MAI လက်မှတ် ဝယ်ယူထားသော်လည်း အခြားလေကြောင်းလိုင်း ပြောင်းလဲစီးနိုင်မည့် (Code Share Partner) သဘောတူညီချက်ကို နိုင်ငံတကာ လေကြောင်းလိုင်း ၇ ခုနှင့် ယခုနှစ်အတွင်း စာချုပ်ချုပ်ဆိုသွားရန် ရှိကြောင်း သိရသည်။ “MAI လက်မှတ် ဝယ်ထားတယ်။ အကြောင်းကြောင်းကြောင့် TG Air (လေကြောင်းလိုင်း)ကို စီးချင်တယ်ဆိုရင် ပြောင်းစီးလို့ရမယ့် ပုံစံပေါ့။ အပြန်အလှန် ပြောင်းလဲစီးပိုင်ခွင့် ရှိပါတယ်” ဟု MAI လေကြောင်းလိုင်းမှ မားကက်တင်း မန်နေဂျာ မအေးမရသာက ပြောသည်။ အဆိုပါ လေကြောင်း ပြောင်းလဲ စီးနင်းနိုင်ရန် ရွေးချယ်ခွင့်အတွက် Code Share ပါသော လေယာဉ်လက်မှတ်ကို ဈေးနှုန်းတစ်ခုဖြင့် ဝယ်ယူရမည်ဖြစ်သည်။ MAI လေကြောင်းလိုင်းမှ ယခင်က Code Share Partner များ ဖြစ်သော ထိုင်းအဲဝေး၊ မလေးရှားအဲလိုင်း၊ ကာတာအဲလိုင်းတို့နှင့် စာချုပ်ပြန်လည် ချုပ်ဆိုမည့်အပြင် အဲအိန္ဒိယ၊ အဲဖရန့်၊ ကိုရီးယားအဲ၊ အောနီပွန်အဲဝေးတို့နှင့်ပါ ထပ်မံ၍ စာချုပ်ချုပ်သွားရန် ရှိကြောင်း သိရသည်။ လက်ရှိတွင် MAI လေကြောင်းလိုင်းသည် ရန်ကုန်မှ တိုက်ရိုက် ခရီးစဉ်အဖြစ် ဘန်ကောက်၊ စင်ကာပူ၊ ကွာလာလမ်ပူ၊ ကွမ်ကျိုး၊ ဂယာ၊ စီရမ်ရိ၊ ဖနွမ်ပင်တို့အပြင် မန္တလေးမှ တိုက်ရိုက် ခရီးစဉ်များအဖြစ် ဘန်ကောက်နှင့် ဂယာတို့သို့ ပြေးဆွဲ ပျံသန်းလျက် ရှိကြောင်း ၂၀၁၃ ခုနှစ် ဖေဖော်ဝါရီ ၂၈ ရက်နေ့ထုတ် Popular News ဂျာနယ်တွင် ဖော်ပြထားပါသည်။